Schiere recensie van Bert Hensema

De Groot is trug. En hou

57456950_2662910770417921_7310406754406236160_n

De Groot is trug. En hou!

Traditiegetraauw speult Jan Henk de Groot op poaskezundagmörn ain kovviekonsert in t Noabershoes in Veelerveen. Dit joar was der n schiere opkomst en as we Jan Henk geleuven maggen, lag de gemiddelde leeftied n tikkeltje hoger as n dag doarveur bie zien optreden in Riep. Veureg joar sluig hai n moal over, mor dit joar was hai der weer: “De Groot is trug!” En hou! Hail wat kilo’s lichter en ain stem dij zuverder klinkt as oeit, vuilde hai zok in t Noabershoes weer thoes as n vis in t Boelo Tijdens kanoal.

Noa n stoere midwintertied woarin nait hailemoal dudelk was wat der mit zien gezondhaid loos was, bleek t oetendelk hartstikke mit te valen. De verplichte rustperiode het hom zichtboar goud doan. Hai zat weer op de proatstoul as vanolds. Noadenkend over de daipere loagen van t leven kwamen de herinnerns aan vrouger makkelker en intenser veurbie.

In de pervinzie en vlak doarboeten is hai inmiddels begonnen aan de oetperbaaierveurstellens van zien nije programma “De wolf is trug.” Volgend joar feberwoarie komt hai doarmit noar Veelerveen. Din is t netuurlek aibels stoer om nait in de verlaaiden te kommen toch wat laidjes doarvan aal te speulen. Doardeur wuir het ain hail oafwisselnd programma. Der waren nije laidjes, laidjes van de Troebadoers en ook zien klassiekers kwamen veurbie. Niks gain rode droad, gewoon lekker laidjes speulen.

Wees laif veur mekoar

t Optreden haar gain titel, mor as der ain west was, haar het “Wees laif veur mekoar” kinnen wezen. Jan Henk pruit

de verskes op de van hom bekìnde menaaier aan mekoar. En t publiek hong aan zien lippen. Vanoaf t eerste laidje haar hai der hail veul zin in en deur vot der achteraan zien ‘Mamme van Michel’, dij inmiddels mythische vörms aan begunt te nemen, te speulen, was in Veelerveen t ies broken. Dizze raais waren de gain verrazzens zoas ‘Goddelke kenoaries’, mor kon t publiek gewoon genieten van olde laidjes, sums in n nij jaske, en de laidjes dij hai in zien theoatertoer mit Alex Vissering en Edwin Jongedijk speulde en nou solo heuren luit. Veuraal in ‘Noar hoes’ luit Jan Henk heuren der hailemoal weer te wezen.

In zien verskes klinken tröts en laifde en de dingen woar t echt om draait in t leven deur mekoar. De aine moal zoas in ‘Laidje’, ’Evenwicht’ en ‘Sloap mor mien wichtje’ hail gevuileg, mor d’aander moal mit ain knipoog, zoas in ‘Mien nije gitaar’ (en dij roekt ook zo lekker). Boetendes wisselde Jan Henk oaf mit zokzulf te begelaaiden op de pioano en op de gitaar. Deur zien verhoalende menaair van vertellen zain je de situoaties woarover hai vertelt tot leven kommen: Jan Henk mit zien kameroadjes op de boerderij in heur blauwe en rooie overalltjes of Elton John heur Nikita mit heur grieze bontmuts.

oademloos en moeskestil

t Publiek haar t der mor wat stoer mit. Aiglieks wollen ze wel mit de laidjes mitzingen. Bie laidjes zoas ‘Mien nije gitaar’ en ‘Vuurtje kieken’ is publiekspartisipoatsie gain probleem en wuiren de touheurders zulfs nuigd mit te doun. Sommege laidjes wuiren hail gevuileg zongen. Gelukkeg haar t publiek dat deur en bleven zai moeskestil luustern toun Jan Henk de wat oldere generoatsie bezong. Zo konden zai oademloos luustern noar hou laifdevol hai zien oma in ‘Oma Siepelsju’ bezong. Deurdat opa aal bie de heer is, brocht dat Jan Henk bie ‘As dammeet din mien inde komt’ en ‘Rooie wien’, laidjes van ‘Onbekìnde wegen’, t spaigelploatje dij hai soamen mit zien Troebiebruiers moakt het. t Aine laidje paasde nait in ‘Appeltoarde en rooie wien’, mor komt hail goud tot zien recht in n sololaidjesprogramma. As toch de oldere generoatsie bezongen wuir, kon ’Bonney’ netuurlek nait achterblieven. In de pauze en noatied bliekt dat dizze stoere Frais nait onderdut veur Jan Henk en net zo’n gezellege proatjesmoaker is.

Bie leutjen aan wordt t tied veur n nij spaigelploatje, want t leste soloploatje is aal weer van 2016. De laifhebbers kinnen gerust steld worden, want der wordt aal weer haard waarkt aan de veurberaaidens van n nije. Der binnen de oafgelopen joaren hail wat laidjes moakt dij nog noeit op de ploat vastlegd binnen en der binnen ook aal weer nije laidjes kloar. Der is dus materioal genog. En boetendes het Jan Henk weer hail veul inspiroatsie om nije laidjes te schrieven. 29 Feberwoarie 2020 liekt n goud moment veur de presentoatsie doarvan as Jan Henk weer solo in t Noabershoes staait.

Bert Hensema

Mamme van Michel nr 1 in Overijssel!

30 maart 2019 RTV Oost

 

Hier de link met het interview en live optreden

Het liedje ‘Mamme van Michel’ van Jan Henk de Groot uit is volgens de luisteraars van RTV Oost het mooiste dialectlied. De hele maand kon er gestemd worden op het mooiste nummer in het Nedersaksisch.

“Ik bin der wel wies mit”, zegt de zanger uit Groningen. “Dit had ik echt nooit verwacht, dat ik in Overijssel nog eens op nummer 1 zou staan.”

Blote borsten
De nummer 1 van de Overijsselse top 25 gaat er over dat Jan Henk de Groot als 9-jarige vriendjes wordt met zijn buurjongen Michel. Op een hete zomerdag fietst hij naar het huis van zijn vriendje en daar ziet hij de moeder van Michel topless in de tuin liggen.

Het was de eerste keer dat hij bewust een paar blote borsten zag. In de dagen erop wil hij dan ook vaak bij Michel spelen.